ރައީސް ނަޝީދާއި އިލްޔާސަށް ތިނަދޫއިން ހޫނު މަރުހަބާއެއް

ދަ ޑިމޮކްރެޓްސްގެ ރިޔާސީ ކެންޑިޑޭޓް އިލްޔާސް ލަބީބާއި ރައީސް މުހައްމަދު ނަޝީދު ރިޔާސީ އިންތިހާބުގެ ކެމްޕޭނަށް ހުވަދު އަތޮޅަށް ކުރައްވަމުންގެންދަވާ ދަތުރުފުޅުގައި މިއަދުހަވީރު ގދ.ތިނަދޫއަށް ވަޑައިގަތުމުން އެރަށުން ހޫނު މަރުހަބާއެއް ދަންނަވައިފިއެވެ.

ދަ ޑިމޮކްރެޓްސްގެ ޓީމު އެރަށަށް ވަޑައިގެންނެވި ވަގުތު ގިނަ ބަޔަކު ވަނީ  މަރުހަބާ ދެންނެވުމަށް ބަނދަރު ސަރަަހައްދަށް ޖަމާވެފައެވެ.

ދަ ޑިމޮކްރެޓްސް ގެ ކެމްޕެއިންގެ ދަތުރުގައި ތިނަދޫއަށް ވަޑައިގަތުން

މި ދަތުރުގައި ދަ ޑިމޮކްރެޓްސްގެ ރިޔާސީ ކެންޑިޑޭޓް އިލްޔާސް ލަބީބާއި ރައީސް މުހައްމަދު ނަޝީދުގެ އިތުރުން މަޑަވެލި ދާއިރާގެ މެމްބަރ ހުސައިން ފިރުޝާން އާއި ދަޑިމޮކްރެޓްސްގެ ލީޑާރޝިޕްގެ ބައެއް ބޭފުޅުން ބައިވެރިވިއެވެ.

ދަ ޑިމޮކްރެޓްސްގެ މި ދަތުރުގައި ހުވަދު އަތޮޅުގެ ހުރިހާ ރަށަކަށް ދިޔުމަށް ވަނީ ނިންމާފައެވެ.