ދިވެހިން ތިބީ ފަލަސްތީނީންނާ އެކުގައިކަން ތިބިކަން އަންގައިދިނުމުގެ ގޮތުން އިސްރާއީލުން ފަލަސްތީނަށް ދެމުންދާ ހަމަލާތަކާ ދެކޮޅަށް އަޑުއުފުލުމަށް، މި ހަފްތާގެ ހުކުރު ދުވަހު ހަވީރު މުޅި ރާއްޖޭގައި ހަރަކާތެއް ބާއްވަން ތައްޔާރުވާން ފަށައިފިއެވެ.
ހަމާސް އިން އިޒްރޭލަށް މިދިޔަ ހޮނިހިރު ދުވަހު ދިން ކުއްލި ހަމަލާތަކަށް، ބަދަލު ދިނުމަށް އިސްރާއީލުން ދޭންފެށި ބާރުގަދަ ހަމަލަތަކާއެކު ގައުމުގެ ހާލަތު ވަނީ ވަރަށް ބޮޑަށް ގޯސްވެ ނުރައްކާތެރި އަދި އެހާމެ ނާޒުކު ފައްތަރެއްގައެވެ.
ފަލަސްތީނުގެ މުސްލިމުން އުފުލަމުންދާ ވޭނާއި ކެކުޅުމާއު އިސްރާއީލުން ދެމުންދާ ލާއިންސާނީ އަނިޔާތަކާ ދެކޮޅަށް ރާއްޖޭގެ ހުރިހާ ހިސާބެއްގައި ދިވެހިން މިވަނީ ހަރަކާތެއް އިންތިޒާމުކޮށްފައެވެ. މި ހަރަކާތްތައް އިންތިޒާމު ކުރާ ފަރާތްތަކުން ސޯޝަލް މީޑިއާގައި ހިއްސާ ކޮށްފައިވާ ޕޯސްޓުތަކުން ހާމަވާ ގޮތުގައި ހުކުރު ދުވަހު ހަވީރު މާލޭގައި ސައިކަލު ބުރެއް ބާއްވާނެއެވެ. އެ ސައިކަލު ބުރު ފަށާނީ އެ ދުވަހު ހަވީރު ހަތަރެއް ޖަހާއިރު ރަސްފަންނު ސަރަހައްދުން ކަމަަށް ވެއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.