ރޭސް ސައިކަލަކުން ޖެހި އަނިޔާވި އުމުރުން ދުވަސްވީ މީހާގެ ހާލު ވަރަށް ބޮޑަށް ސީރިއަސް ކަމަށް މައުލޫމާތު ލިބިއްޖެއެވެ.
އޮންލައިން ނޫސް "ވޮއިސް"އަށް އެކްސިޑެންޓުގައި އަނިޔާވި އުމުރުންދުވަސްވީ މީހާގެ ކާފަދަރިފުޅަކު މައުލޫމާތު ދެމުން ބުނެފައިވާ ގޮތުގައި މި އެކްސިޑެންޓު ހިނގި ވަގުތު އޭނާއަށް އަޑުފަށްގަނޑެއް އިވިގެން ބެލްކަނިން ބަލާލިއިރު ކާފަ އެކްސިޑެންޓުވެފައި އޮތް މަންޒަރާއި ތެޅޭތަން ފެނުމުން ދުވެފައި އެދިމާއަށް ދިޔަކަމަށާއި އެމްބިއުލާންސަށް ގުޅައި ކަމާބެހޭ މުވައްސަސާތަކުން ލަސްވާތީ އެތަނުގައި ހުރި ބޭބެއަކު އަމިއްލައަށް އިސްވެ އެހީތެރިވެ އެމީހާގެ ވޭނުގައި ކާފަ ހޮސްޕިޓަލަށް ގެންދިޔަ ކަމަށެވެ. ހާދިސާ ހިނގިތަނުގައި ހުރެ ބާރަށް އަޑުލައިގަތުމުން އެތަނުން މީހަކު އައިސް ތިމަންނާ އަތުންނޭ އެކްސިޑެންޓުވީ ބުނުމުންއެމީހާއަށް އެތަނުން ނުދިއުމަށް ބުނި ކަމަށްވެސް ވޮއިސްއަށް މައުލޫމާތުދިން ކުއްޖާ ބުނެފައިވެއެވެ. އުމުރުން ދުވަސްވީ އެމީހާއަށް އަނިޔާވީ ހުޅުމާލޭގައި ރޭސިންގ ސައިކަލެއްގައި ޖެހިގެންނެވެ. މިއީ އުމުރުން 69 އަހަރުގެ ދިވެހިފިރިހެނެކެވެ.
ފާއިތުވި ހުކުރު ދުވަހުރޭ މި އެކްސިޑެންޓު ހިނގާފައިވަނީ އޭނާ ދިރިއުޅޭ ގެކައިރީގައި ހުންނަ ރަޝީދު މިސްކިތުން ތަރާވީސް ކޮށްގެން ގެއަށް އައި މަގުމަތީގައި ކަމަށް ވެސް ޚަބަރުތައް ބުނެއެވެ. އަދި އޭނާ އެޑްމިޓް ކޮށްގެން ފަރުވާ ދެނީ އޭޑީކޭ ހޮސްޕިޓަލުގައި ކަމަށް ވެސް ދަނީ ބުނަމުންނެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.