ދަތުގައި ރިއްސުމަކީ ވަރަށް ވޭންހުރިކަމެކެވެ. ދަތުގައި ރިއްސާ އަނގައިގެ އިންފެކްޝަން ހެދުމަކީ ވަރަށް އާންމުކަމެކެވެ. އަންނާރުތޮއްޓާއި އަސޭމިރުސް ބޭނުން ކޮށްގެން ގޭގައި މިޕޭސްޓް ތައްޔާރުކޮށްގެން ބޭނުންކޮށްލުން ރަގަނޅެވެ.
ބޭނުންވާ ތަކެތި:
3 ސަމްސާ އަންނާރު ތޮށި ( އަވީލާފައި މުރަނަކޮށްލުމަށް ފަހު މުގުރާފައި )
3 ސަމްސާ އަސޭމިރުސް ( މުގުރާފައި )
ކުޑަ ތައްޓަކަށް މުގުރާފައިވާ އަންނާރު ތޮއްޓާއި އެއްވަރަށް މުގުރާފައިވާ އަސޭމިރުސް އަޅާލުމަށް ފަހު ކުޑަފެން ފޮދެއް އަޅާއިފައި ޕޭސްޓެއް ހަދާލާށެވެ.
ދަތް ނުވަތަ ހިރުގަނޑުގައި ފާރުވެފައިވާ ތަނުގައި އެ ޕޭސްޓް އުނގުޅާލާފައި 10 ވަރަކަށް މިނިޓް ބަހައްޓާލުމަށް ފަހު ތާފަނާ ފެންކޮޅަކުން އަނގަތެރެ ދޮވެލާށެވެ.
ހަފްތާއަކު 3 ދުވަހު މި ފޭސްޓް ބޭނުންކޮށްލުމުން ދަތުގެ ރިހުން ކެނޑިގެން ދާނެކަމަށް ވެއެވެ. އަންނާރު އަދި އަސޭމިރުހަކީ ފައިދާ ހުރި މާއްދާތައް އެކުލެވޭ އެއްޗެއްކަމަށް ވެއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.