ތ.އަތޮޅު ގުރައިދޫ ޕޮލިސް ސްޓޭޝަނަށް މީގެ 12 އަހަރު ކުރިން ގެއްލުން ދިން މައްސަލައެއްގައި ދައުވާ ލިބުނު މީހަކު 1 މަހާއި 6 ދުވަހަށް ޖަލަށް ލާން މި މަހުގެ 23 ވީ ހޯމަ ދުވަހު ކްރިމިނަލް ކޯޓުން ހުކުމް ކޮށްފި އެވެ.
2009 އޮކްޓޯބަރު 12 ގައި ގާބުރިއަކުން ޖަހައި، ގުރައިދޫ ޕޮލިސް ސްޓޭޝަނުގެ ބިއްލޫރިގަނޑެއް ތަޅާލި މައްސަލައިގައި ގުރައިދޫ، ތިބުރޯޒު, އުމުރުން 31 އަހަރުގެ މުހައްމަދު ސަމާހް މައްޗަށް ދައުލަތުން ކުރި އަމުރަށް ނުކިޔަމަންތެރިވުމުގެ ދައުވާ ގައި އޭނާގެ މައްޗަށް ކުރީގެ ގާނޫނުލްއުގޫބާތުގެ ދަށުން ދައުވާކުރީ، ކުށް ކުރިތާ ނުވަ އަހަރު ފަހުން ޖެނުއަރީ، 2018ގަ އެވެ.
އެ މައްސަލައިގައި އިބްތިދާއީ މަރުހަލާގައި ސަމާހު ވަނީ ކުށަށް އިއުތިރާފުވެފައި ވުމުން އޭނާގެ މައްސަލަ ނިންމީ އަވަސް ނިޔާގެ މައްސަލައެއްގެ ގޮތުގައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.