ތިނަދޫ ސިޓީ ޑަބްލިއުޑީސީ ވޮލީ މުބާރާތުގައި ރޭ ކުޅުނު އަންހެން ޑިވިޝަނުގެ މެޗުގައި އިންފިނިޓީ ބަލިކޮށް އޯލް ސްޓާރޒް އިން ލީގު ތާވަލުގެ ތިންވަނަ އަށް ޖެހިލައިފިއެވެ.
އަންހެން ފިރިހެން ވަކިން ދެ ޑިވިޝަނަށް ބަހާލައިގެން ތިނަދޫ ސިޓީ ސްޓޭޑިއަމްގެ ވޮލީ ކޯޓުގައި ކުރިއަށްދާ މި މުބާރާތުގައި ރޭ އިންފިނިޓީއާ ވާދަކޮށް އޯލް ސްޓާރުން މެޗު ކާމިޔާބުކުރީ ސީދާ 3 ސެޓުންނެވެ. މެޗުގެ ސެޓުތައް އެ ޓީމުން ގެންދިޔައީ 25-18، 25-12 އަދި 25-06 އިންނެވެ. މެޗުގެ ޕްލޭޔާ އޮފްދަ މެޗަށް ހޮވުނީ އޯލް ސްޓާރޒްގެ ޖާޒީ ނަންބަރު 07 ސިރްދާ ސައީދެެެވެ.
މި މޮޅާއެކު އޯލް ސްޓާރޒް އަށް ވަނީ ތިން މެޗުން 6 ޕޮއިންޓް ލިބިފައެވެ. އަންހެން ޑިވިޝަނުގެ ތާވަލުގެ އެންމެ ކުރީގައި އޮތީ ހަތަރު މެޗުން 9 ޕޮއިންޓް ހޯދާފައިވާ ޑީއާރުސީ ވިމެންސް އެވެ. ތާވަލުގެ ދެވަނައިގައި މިވަގުތު އޮތީ ހަތަރު މެޗުން ހޯދި 7 ޕޮއިންޓާއެކު ކުއީން ބީސް އެވެ. އޯލް ސްޓާރޒްގެ ފަހަތުުން ހަތަރުވަނައިގައި އޮތީ 3 މެޗުން ހޯދި 5 ޕޮއިންޓާއެކު ފިޓް ފެމިނައިނެވެ. ފުލުގައި އޮތް އިންފިނިޓީ އަށް ޕޮއިންޓެއް ނުލިބެއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.