ދ. ކުޑަހުވަދޫ ކައިރީގައި އޮތް މަސް ދޯންޏެއްގައި މިއަދު ރޯވެއްޖެ އެވެ.

ފުލުހުން މިއަދު ބުނީ ކުޑަހުވަދޫ ކައިރީގައި އޮތް ދޯންޏެއްގައި މިއަދު ހެނދުނު 6:30 ހާއިރު އަލިފާން ރޯވެފައިވާ ކަމަށެވެ.

އަދި އަލިފާން ނިއްވުމުގައި ފުލުހުންނާއި ސިފައިން ހަރަކާތްތެރިވަމުން އަންނަ ކަމަށެވެ.

އަލިފާން ރޯވިތާ 7 ގަޑިއިރު ވެފައިވާ އިރު އަދިވެސް އަލިފާން ނިއްވާލެވިފައި ނުވާ ކަމަށް ފުލުހުން ވަނީ މައުލޫމާތު ދީފައެވެ.