15 ވަނަ މަކިޓާ ގައުމީ އެތްލެޓިކްސް ޗެމްޕިއަންޝިޕްގެ ނިމުމުގެ ރަސްމިއްޔާތު މިރޭ އޮންނާނެއެވެ.
މުބާރާތުގެ ފަހުގެ ފައިނަލް އިވެންޓްތައް މިއަދު ހަވީރު އޮންނާނެއެވެ. މުބާރާތުގެ ނިމުމުގެ ރަސްމިއްޔާތު މިރޭ 19:50 ގައި ބޭއްވުމަށް ނިންމާފައިވާއިރު، މި ރަސްމިއްޔާތުގައި ހަވާ އެރުވުން އޮންނާނެއެވެ.
މުބާރާތުގައި މިހާތަނަށް 10 މީޓް ރެކޯޑް ހަދާފައިވާއިރު، އެންމެ ގިނަ މީޓް ރެކޯޑް ހަދާފައިވާ ޓީމްތަކުގެ ތެރޭގައި ގއ ކަނޑުހުޅުދޫ ސްކޫލް އަދި ޓްރެކް އެންޑް ފީލްޑް އެސޯސިއޭޝަން ހިމެނެއެވެ.
29 ޓީމަކުން 868 އެތްލީޓުން ބައިވެރިވި މި މުބާރާތުގެ މެއިން ސްޕޮންސަރަކީ އެސްޓީއޯގެ މަކިޓާ ބްރޭންޑެވެ.
ފުވައްމުލަކު ސިޓީގެ މޭޔަރ ވިދާޅުވީ މިފަހަރުގެ މުބާރާތަކީ އެހެން އަހަރުތަކާއި އަޅާބަލާއިރު ފުރިހަމަ ވާނެ މުބާރާތެއް ކަމަށާއި، މުޅި ފުވައްމުލަކު ސިޓީ އޮތީ މުބާރާތަށް ވަރަށް ރަނގަޅަށް ތައްޔާރުވެފައި ކަމަށެވެ. އަދި މުބާރާތް ކާމިޔާބު ކާމާއިއެކު ކުރިއަށް ގެންދިއުމަށް އެއްބާރުލުން ދެއްވާ ހުރިހާ ފަރާތްތަކަށް އިހްލާސްތެރިކަމާއި އެކު ޝުކުރު ދަންނަވާކަމަށެވެ.
މިފަހަރުގެ މުބާރާތް ވެގެން ދާނީ އެހެން މުބާރާތްތަކާއި އަޅާބަލާއިރު އިންތިޒާމްތައް ރަނގަޅު މުބާރާތެއްގެ ގޮތުގައެވެ. އަދި މިފަހަރުގެ މުބާރާތައް ފުވައްމުލަކު ސިޓީވަނީ ވަރަށް ބޮޑަށް ތައްޔާރުވެފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.