ދިވެހި ދައުލަތަށް 37 އަހަރަށްވުރެ ދިގު މުއްދަތަކަށް ޚިދުމަތް ކުރެއްވުމަށްފަހު، ޕަބްލިކް ސަރވިސް މީޑިއާ (ޕީއެސްއެމް)ގެ ލޮޖިސްޓިކްސް އޮފިސަރ އަޙްމަދު މަނިކު ޚިދުމަތުން ޝަރަފުވެރިކަމާއެކު ރިޓަޔަރ ކުރައްވައިފިއެވެ. އަޙްމަދު މަނިކުގެ ޚިދުމަތުގެ އަގު ވަޒަންކުރުމުގެ ގޮތުން ޕީއެސްއެމްގެ ޓީވީ ބިލްޑިންގގައި މިއަދު ޚާއްސަ ހަފްލާއެއް ބޭއްވުނެވެ.
އަޙްމަދު މަނިކު ދިވެހި ދައުލަތަށް ޚިދުމަތް ކުރެއްވި 37 އަހަރުގެ ދިގު މުއްދަތުގެ ތެރެއިން ދައުލަތުގެ މީޑިއާއަށް މެދުނުކެނޑި 22 އަހަރު ޚިދުމަތް ކޮށްދެއްވާފައިވެއެވެ. މި ރަސްމިއްޔާތު ޝަރަފުވެރިކޮށްދެއްވީ ޕީއެސްއެމްގެ މެނޭޖިންގ ޑިރެކްޓަރ އިބްރާހީމް ނަސްރީނެވެ.
ރަސްމިއްޔާތުގައި ވާހަކަދައްކަވަމުން އިބްރާހީމް ނަސްރީން ވިދާޅުވީ، "ޕީއެސްއެމް ހިންގަން މި ކުރަންޖެހޭ ހުރިހާ ކަމަކާއި ލޮޖިސްޓިކުގަ ކުރަންޖެހޭ ހުރިހާ ކަމެއް އެރޭންޖުކުރާ، އަދި އޭގެ އެންމެ އިސް ބޭފުޅެއްގެ ގޮތުގައި، އަދި ސީނިއަރ ބޭފުޅެއްގެ ގޮތުގައި އަޅުގަނޑުމެންނަށް 22 އަހަރުގެ ޚިދުމަތެއް ކޮށްދެއްވީތީ އަޅުގަނޑުގެ ހިތުގެ ފުންމިނުން އަދި ޕަބްލިކް ސަރވިސް މީޑިއާގެ ފަރާތުން ވަރަށް ބޮޑަށް ޝުކުރު ދަންނަވަން" ކަމަށެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.