ކަޅު ބާޒާރުގައި ޑޮލަރުގެ އަގު ދަށަށް!

ރާއްޖޭގެ ބޮޑެތި ބައެއް ވިޔަފާރިވެރިން ހާމަކުރާ ގޮތުގައި ކަޅު ބާޒާރުގައި ޑޮލަރުގެ އަގު ދަށަށް ދާން ފަށައިފިއެވެ. މި ބަދަލު އައިސްފައިވަނީ ސަރުކާރުން ބޭރު ފައިސާގެ ނިޒާމަށް ގެންނަން ފެށި ބަދަލުތަކާ ގުޅިގެންނެވެ.

އިނަރ މޯލްޑިވްސްގެ ސީއީއޯ މުޙައްމަދު ފިރާޤް އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ ކަޅު ބާޒާރުގައި ޑޮލަރުގެ އެކްސްޗޭންޖް ރޭޓް ކުރިން ހަފްތާތަކުގައި 19.20 ރުފިޔާއަށް ހުރިއިރު މިހާރު އެ އަގު ވަނީ 50 ލާރި ދަށްވެފައި ކަމަށެވެ. ފިރާޤް މި ބަދަލު ސިފަކުރައްވާފައިވަނީ ވިޔަފާރިތަކަށް، ޚާއްޞަކޮށް އޭވިއޭޝަން ދާއިރާގައި މަސައްކަތްކުރާ ވިޔަފާރިތަކަށް ފަހި ދުވަހެއްގެ ގޮތުގައެވެ.

https://twitter.com/mohamedfiraq/status/1885682638192812091?ref_src=twsrc%5Etfw%7Ctwcamp%5Etweetembed%7Ctwterm%5E1885682638192812091%7Ctwgr%5Ea450222d24c8aecb59c5ecf905b7ee549962ccc8%7Ctwcon%5Es1_&ref_url=https%3A%2F%2Fpsmnews.mv%2F151854

ފަތުރުވެރިކަމުގެ ދާއިރާގެ ތަޖުރިބާކާރެއް ކަމަށްވާ ފިރާޤް ވިދާޅުވެފައިވަނީ މިއީ ހާލަތު ބަދަލުވުމުގެ ފެހި ސިގްނަލެއް ކަމަށާއި، މިގޮތުގައި ދެމެހެއްޓިއްޖެނަމަ ރާއްޖޭގެ މާލީ ޙާލަތު ރަނގަޅު ގޮތުގައި ދެމެހެއްޓުމަށް އެހީތެރިވެދޭނެ ކަމަށެވެ.

ޑޮލަރުގެ މައްސަލަ ހައްލުކުރުމަށް ސަރުކާރުން ވަނީ މުހިންމު ފިޔަވަޅުތަކެއް އަޅުއްވާފައެވެ. އޭގެ ތެރޭގައި ބޭންކުތަކަށް ޑޮލަރު މާރުކުރުން ނުވަތަ ޑޮލަރު ޖަމާ ކުރުން ލާޒިމްކުރާ ބޭރު ފައިސާއާ ބެހޭ ޤާނޫނަށް ޢަމަލުކުރަން ފެށުން ހިމެނެށުން ހިމެނެއެވެ. މި ޤާނޫނަށް ޢަމަލުކުރަން ފަށާފައިވަނީ މި މަހުގެ އެއްވަނަ ދުވަހުން ފެށިގެންނެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދާދިފަހުން ވިދާޅުވެފައިވަނީ ބޭރު ފައިސާ މާރުކުރުމުގެ ޤާނޫނު ރަނގަޅަށް ތަންފީޒުކުރައްވާނެ ކަމަށާއި އެއްވެސް ފަރާތެއް އެ ޤާނޫނުން އިސްތިސްނާނުވާނެ ކަމަށެވެ.