ޖުމްހޫރީ ޕާޓީގެ ލީޑަރު އަދި ރައްޔިތުންގެ މަޖިލިހުގެ މާމިގިލީ ދާއިރާގެ މެމްބަރު, މަޝްހޫރު ވިޔަފާރިވެރިޔާ ޤާސިމް އިބްރާހީމްގެ ޚަރަދުގައި، އދ.މާމިގިލީ ރައްޔިތުންނަށް މިސްކިތެއް ބިނާކޮށްދެއްވައިފިއެވެ.
މަސްޖިދުއް ޒިކުރާގެ ނަމުގައި ނަންދެވިފައިވާ މި މިސްކިތް ހުޅުވައިދެއްވީ ޤާސިމް އިބްރާހީމް އަމިއްލަފުޅަށެވެ. މިސްކިތް ހުޅުވާފައިވަނީ, އިއްޔެ، ހުކުރު ދުވަހުގެ މަޣުރިބު ނަމާދަށެވެ.
މާމިގިލީ ކައުންސިލުން މަޢުލޫމާތު ދެއްވާފައިވާ ގޮތުގައި މި މިސްކިތް އިމާރާތްކޮށްފައިވަނީ ރައްޔިތުންގެ އެދުމުގެ މަތިންނެވެ. މިސްކިތުގެ ބިންގާ އަޅާފައިވަނީ މިދިޔަ އަހަރުގެ ޑިސެމްބަރު 14 ވަނަ ދުވަހުއެވެ. މިސްކިތް އިމާރާތްކުރުމަށް ހޭދަވެފައިވަނީ 57 ދުވަހެވެ.
2000 އަށްވުރެ ގިނަ މީހުން ދިރިއުޅޭ މާމިގިލީގައި މިވަގުތު ޤާސިމް އިބްރާހީމްގެ ޚަރަދުގައި އިތުރު ދެ މިސްކިތެއް އިމާރާތްކުރުމުގެ މަސައްކަތް ކުރިއަށްދެއެވެ.
މީގެ އިތުރުން އަރިއަތޮޅުގެ އެކި ރަށްރަށުގެ މިސްކިތްތައް އިމާރާތްކުރުމަށާއި މަރާމާތުކުރުމަށް ޤާސިމް އިބްރާހީމް ގެންދަވަނީ އެހީތެރިކަން ފޯރުކޮށްދެއްވަމުންނެވެ. ޤާސި\މަކީ މާމިގިލި އަދި ފެންފުށީގެ ރައްޔިތުންގެ މެދުގައި ވަރަށް ބޮޑު މަޤުބޫލުކަމެއް ލިބިވަޑައިގެންފައިވާ ޝަޚްޞިއްޔަތެކެވެ.
ޤާސިމް އިބްރާހީމްގެ ޚަރަދުގައި އަރިއަތޮޅު އުތުރުބުރީ ތޮއްޑޫގައިވެސް މިސްކިތެއް ވަނީ އިމާރާތްކޮށްދެއްވާފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.