ރާއްޖޭގައި އައުކުރަނިވި ހަކަތައިގެ ބޭނުން އިތުރުކުރުމަށް ސަރުކާރުން ކުރަމުންދާ މަސައްކަތުގެ ދަށުން 19 މެގަވޮޓްގެ ސޯލާ ޕީވީ އިތުރުކުރުމުގެ މަސައްކަތް ކުރިއަށްދާކަމަށް ފަތުރުވެރިކަމާއި ތިމާވެއްޓާ ބެހޭ ވުޒާރާގެ ސްޓޭޓް މިނިސްޓަރ މުޙައްމަދު ފާއިޒް ވިދާޅުވެއްޖެއެވެ.
ސްޓޭޓް މިނިސްޓަރ މުޙައްމަދު ފާއިޒް މިހެން ވިދާޅުވީ މިއަދު މާލޭގައި ބޭއްވުނު "ކޮންވަޒޭޝަން އޮން ކްލީން އެނާޖީ އެންޑް ކްލައިމެޓް ޗޭންޖް މިޓިގޭޝަން" ގެ ނަމުގައި ބޭއްވުނު ބައްދަލުވުމުގައި ދެއްކެވި ވާހަކަފުޅުގައެވެ. މި ބައްދަލުވުމަކީ ބްރިޓިޝް ހައި ކޮމިޝަނުގެ އިސްނެގުމަކާއެކު ވިލާ ކޮލެޖާއި ޔޫއެންޑީޕީއިން ގުޅިގެން ބޭއްވި ބައްދަލުވުމެކެވެ.
ސްޓޭޓް މިނިސްޓަރިނިސްޓަރ ފާއިޒް ވިދާޅުވީ ރާއްޖެއަކީ މޫސުމަށް އަންނަ ބަދަލުތަކުގެ ސަބަބުން އެންމެ ބޮޑަށް ގެއްލުން ލިބޭ ޤައުމުތަކުގެ ތެރެއިން އެއް ޤައުމުކަމަށެވެ. އަދި ކަނޑުގެ ހޫނުމިން މައްޗަށް ދިއުމުގެ ސަބަބުން ފަރުތަކަށް ލިބެމުންދާ ގެއްލުމާއި، މޫސުމީ ނުރައްކާތެރި ހާދިސާތައް އިތުރުވަމުން ދާކަމީ ކަންބޮޑުވާންޖެހޭ ކަމެއްކަމަށް އޭނާ ފާހަގަކުރެއްވިއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.