މި އަހަރުގެ ރަމަޟާން މަހުގެ ފުރަތަމަ ދިހަ ދުވަހުގެ ތެރޭގައި ރެކޯޑު އަދަދެއްގެ މީހުން މަސްޖިދުލް ޙަރާމަށް ޒިޔާރަތްކޮށްފިއެވެ.
ދެ ޙަރަމުގެ ކަންކަން ބަލަހައްޓާ ރިޔާސަތުން މިއަދު ހާމަކުރި މަޢުލޫމާތުގައިވާ ގޮތުން، މި މުއްދަތުގައި 25 މިލިއަނަށް ވުރެ ގިނަ މީހުން އަޅުކަން ކުރުމަށް މަސްޖިދުލް ޙަރާމަށް ޒިޔާރަތްކޮށްފައިވެއެވެ. މީގެ ތެރޭގައި 5.5 މިލިއަން މީހުން ޢުމްރާވެފައިވާ ކަމަށްވެސް ރިޔާސަތުން ބުނެފައިވެއެވެ.
މިސްކިތުގެ އިންތިޒާމުތައް ބެލެހެއްޓުމަށް 11,000 އަށްވުރެ ގިނަ މުވައްޒަފުން މަސައްކަތްކުރެއެވެ. މީގެ އިތުރުން 4,000 އަށްވުރެ ގިނަ މުވައްޒަފުން ސާފުކުރުމުގެ މަސައްކަތުގައި ހަރަކާތްތެރިވެއެވެ. މިސްކިތުގެ އެތެރޭގެ ފިނިހޫނުމިން 22-24 ޑިގްރީ ސެލްސިއަސްގައި ހިފެހެއްޓުމަށް 155,000 ޓަނުގެ ފިނިކުރާ ނިޒާމެއް ބޭނުންކުރެވެއެވެ.
މިސްކިތުގެ އަޑުގަދަކުރާ ނިޒާމުގައި 8,000 އަށްވުރެ ގިނަ ސްޕީކަރު ހަރުކުރެވިފައިވެއެވެ. އަދި 12,000 އަށްވުރެ ގިނަ ލައިޓިންގ ޔުނިޓް ބޭނުންކުރެވެއެވެ. ޒަމްޒަމް ފެން ލިބޭގޮތަށް 20,000 އަށްވުރެ ގިނަ ޑިސްޕެންސަރު ބެހެއްޓިފައިވެއެވެ.
ޙަރަމައިން ހައި-ސްޕީޑް ރެއިލްވޭއިން ރަމަޟާން މަހުގެ ތެރޭގައި 3,400 އަށްވުރެ ގިނަ ދަތުރު ކުރުމަށް ވަނީ ހަމަޖެހިފައެވެ. މި ރޭލު ނިޒާމުގައި 35 ކަރަންޓު ރޭލު ބޭނުންކުރެވޭއިރު، ކޮންމެ ރޭލެއްގައި 417 ފަސިންޖަރުންނަށް ދަތުރުކުރެވެއެވެ. މައްކާއިން މަދީނާއަށް ދަތުރުކުރުމަށް މި ރޭލުގައި ހޭދަވަނީ އެންމެ ދެ ގަޑިއިރެވެ.
ސަޢުދީ ޢަރަބިއްޔާގެ ޙަރަމައިން ހައި-ސްޕީޑް ރެއިލްވޭއަކީ ދުނިޔޭގެ އެންމެ ބާރު ކަރަންޓު ރޭލު ނިޒާމެވެ. 2018 ގައި ފެށުނު މި ނިޒާމުގެ ރޭލުތަކަށް ގަޑިއަކު 300 ކިލޯމީޓަރުގެ ބާރުމިނުގައި ދުވެ، މައްކާއިން މަދީނާއަށް އެންމެ ދެ ގަޑިއިރުން ދަތުރުކުރެވެއެވެ.
މި ނިޒާމުގައި 35 ރޭލު ބޭނުންކުރެވޭއިރު، ކޮންމެ ރޭލެއްގައި 417 ފަސިންޖަރުންނަށް ދަތުރުކުރެވެއެވެ. ރޭލުތަކުގައި ކާބޯތަކެތި ލިބޭއިރު، ޚާއްޞަ އެހީއަށް ބޭނުންވާ މީހުންނަށް ވެސް ފަސޭހައިން ބޭނުންކުރެވޭ ގޮތަށް ވަނީ ފަރުމާކުރެވިފައެވެ.
ރަމަޟާން މަހުގައި 3,400 އަށްވުރެ ގިނަ ދަތުރު ކުރުމަށް ހަމަޖެހިފައިވާއިރު، މައްކާއިން މަދީނާއަށް 1.6 މިލިއަނަށްވުރެ ގިނަ ސީޓު ލިބޭނެއެވެ. މި ނިޒާމަކީ މައްކާ، މަދީނާ، ޖިއްދާ އަދި ކިންގް އަބްދުލްޢަޒީޒް އިންޓަނޭޝަނަލް އެއާޕޯޓް ގުޅުވައިދޭ، ޓްރެފިކް މައްސަލަތައް ހައްލުކޮށްދީފައިވާ، ޙައްޖާއި ޢުމްރާވެރިންނަށް ފަސޭހަކަމާއެކު ދަތުރުކުރެވޭނެ މުހިންމު ވަސީލަތެކެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.