ރޮބިންސަން ކްލަބް މޯލްޑިވްސް ގެ އެހީތެރިކަމާއެކު، ގދ. މަޑަވެލީ ކައުންސިލުން އެރަށު ސުކޫލުގެ ކުލާސްރޫމުތައް އޭސީ ކޮށްފިއެވެ.
މަޑަވެލީ ކައުންސިލްގެ ރައީސް ފިޔާޒް ހަސަން ހުވަދޫ މީޑިއާއަށް މައުލޫމާތު ދެއްވަމުން ވިދާޅުވީ މަޑަވެލީ ސްކޫލުގެ ކުލާސްތަކުގައި ޖުމްލަ 15 އޭސީ ހަރުކޮށް ނިންމާފައިވާ ކަމަށާއި އަދިވެސް އިތުރު 5 އޭސީގެ އެހީ އެ ސުކޫލަށް ލިބިގެންދާނެ ކަމަށެވެ. އަދި މި އޭސީތައް ހަރުކުރުމުގެ މަސައްކަތަކީ ރޮބިންސަން ކްލަބް މޯލްޑިވްސްގެ ދީލަތި އެހީތެރިކަމާއެކު ކުރިއަށްދިޔަ މަސައްކަތެއްކަމަށްވެސް ކައުންސިލުން ވަނީ ހާމަކޮށްފައެވެ.
މަޑަވެލީ ސުކޫލުގެ ކުލާސްތަކުގައި އޭސީހަރުކުރުމުގެ މަސައްކަތަށް ބަލާލާއިރު، ޖުމުލަ 15 އިންޑޯ-އައުޓްޑޯ ޔުނިޓް ވަނީ ހަރުކޮށްފައެވެ. މި މަސަައްކަތަށް ބޭނުންވާ އެއަރކޮންޑިޝަނަރ އާއި ކަރަންޓު ވައިރިންގ ރަނގަޅު ކުރުމާއި، އޭސީ އިންސްޓޯލް ކުރުމުގެ މަސަައްކަތްތައް އެހާ ފުރިހަމައަށް ކާމިޔާބުކަމާއެކު ނިމި އޭސީ ބޭނުން ކުރަން ފަށާފައިވަނީ ރޮބިންސަން މޯލްޑިވްސްގެ ދީލަތި އެހީއާއެކު މަޑަވެލީ ކައުންސިލުގެ އެއްބާރުލުން އެކުވެގެންނެވެ.
ކުލާސްރޫމުތައް އޭސީކުރުމުގެ މަގުސަދަކީ ދަރިވަރުން އުނގެނުމަށް ވީހާވެސް ހިތްފަސޭހަ މާހައުލެއް ގާއިމުކޮށްދެއްވުން ކަމަށް ވިދާޅުވުމާއެކު ކައުންސިލްގެ ރައީސް ވަނީ ރޮބިންސަން ކްލަބް މޯލްޑިވްސްގެ ދީލަތި އެހީތެރިކަން ފާހަގަކުރައްވާފައެވެ.
ގދ. މަޑަވެލީ ސްކޫލުގައި އެރަށު ކައުންސިލްގެ އާމްދަނީއިން އޭސީ ހަރުކޮށްދީފި
މަޑަވެލީ ކައުންސިލްގެ އަމާޒަކީ އަބަދުވެސް ރަށާއި ރަށުގެ ރައްޔިތުންގެ ބޭނުންތަކަށް ހާއްސަ އިސްކަމެއް ދީގެން ރަށުގެ ރައްޔިތުންނަށް އުފާވެރި އަމާން ހަމަޖެހޭ މާހައުލެއް ގާއިމުވެފައި އޮތުމެވެ.
މަޑަވެލި ކައުންސިލުން މި މަޝްރޫޢު ކުރިއަށް ގެންދިއުމަކީ ރަށުގެ ތަޢުލީމީ ދާއިރާއަށް ކައުންސިލުން ދެއްވާ އިސްކަމުގެ ހެއްކެކެވެ. އަދި މިފަދަ މަޝްރޫޢުތަކަކީ ދަރިވަރުންގެ ތަޢުލީމީ ކުރިއެރުމަށް މަގުފަހިވެގެންދާނެ ކަމެއް ކަމުގައި ބެލެވެއެވެ.
މަޑަވެލީ ކައުންސިލުން ސްކޫލް އޭސީ ހަރުކުރުމުގެ މަޝްރޫޢެއް ކުރިއަށް ގެންގޮސްފައިވާއިރު ދާދި ފަހުން އެ އަތޮޅު ފިޔޯރީ ކައުންސިލުން ވެސް ވަނީ ފިޔޯރީ ސްކޫލްގައި އޭސީ ހަރުކުރުމުގެ މަޝްރޫޢެއް ކާމިޔާބު ކަމާއެކު ނިންމާލާފައެވެ.
